الیکشن میں خواجہ سرا سکیورٹی بھی سنبھالیں گے ،انٹرویودینے والوں کی لائنیں لگ گئیں

  بدھ‬‮ 18 جولائی‬‮ 2018  |  13:56

کراچی(مانیٹرنگ ڈیسک)سندھ کے پولیس اسٹیشنوں پر الیکشن میں پولیس کی معاونت کیلئے خواجہ سراؤں کے انٹرویو جاری ہیں سینکڑوں کی تعداد میں خواجہ سراؤں کی انٹرویو کیلئے پولیس اسٹیشنوں کے باہر لائنیں لگ گئیں ۔ تفصیلات کے مطابق 25جولائی کو الیکشن ڈے کے موقع پر پولنگ اسٹیشنوں پر پولیس کی معاونت کیلئے خواجہ سراء بھی پرجوش ہوگئے ہیں۔ سینکڑوں کی تعدادمیں سندھ بھر کے پولیس اسٹیشنوں پر خواجہ سراؤں کے انٹرویوز جاری ہیں ۔اس حوالے سے خواجہ سراؤں کا کہنا تھا کہ آخر ہم لوگ بھی الیکشن کے موقع پر حکومت کے کام آگئے ہیں ہم ایمانداری سے فرائض سرانجام


دینگے تاکہ آگے بھی ایسے مزید مواقعوں پر ہماری خدمات حاصل کی جاسکیں واضح رہے کہ پولیس کی جانب سے الیکشن کے موقع پر خواجہ سراؤں سے مدد مانگی گئی تھی۔

موضوعات:

loading...