لندن(مانیٹرنگ ڈیسک) ریحام خان نے اپنی کتاب میں عمران خان پر سنگین الزامات کی بوچھاڑ کر دی ۔ کپتان سابقہ اہلیہ نے ان کی اولاد کے بارے میں حیرت انگیز دعویٰ کیا ہے کہ عمران خان حکومت میں آکر اپنی بیٹی ٹیریان کو پاکستان لانے کا ارادہ رکھتے ہیں ۔ کتاب کے ایک حصے میں انہوں نے لکھا ہے کہ عمران خان اپنی بیٹی ٹیریان پر بہت فخر کرتے ہیں اور اس کے بارے میں ہمیشہ فخر سے بات کرتے ہوئے نظر آئے ہیں ۔

وہ کہتےہیں کہ ٹیرن کی شکل ہو بہو ان کی والدہ شوکت خانم سے ملتی ہے ۔ ریحام خان نے ٹیرن کا ذکر کرتے ہوئے کتاب میں لکھاہے کہ ن لیگ نے اس معاملے کو اتنی ہوا دے دی ہے کہ چیئرمین تحریک انصاف کو ڈر کہ اگر میں اسے ابھی پاکستان لے آیا تو شریف برادران اسے سیاسی فائدہ کیلئے استعمال کر سکتے ہیں ۔ نوٹ: یہ خبر ریحام خان کی کتاب کے اقتباسات سے جاری کی جا رہی ہے، کتاب کی زبان ایسی ہے کہ ہماری معاشرتی اقدار اس قسم کی زبان کی اجازت نہیں دیتیں، ادارہ ایسی زبان کو حذف کرکے خبریں دینے کی کوشش کر رہا ہے اور بطور ادارہ ہم لوگ سمجھتے ہیں کہ یہ کتاب نہیں لکھی جانی چاہیے تھی اور اگر لکھنی ہی تھی تو اس قسم کے نجی واقعات اور ایسے الفاظ استعمال نہیں کرنے چاہیے تھے۔ یہ تمام الزامات ریحام خان عائد کر رہی ہیں اور ان کی تصدیق یا تردید کرنا متعلقہ شخصیات پر ہے اور ہمارے ادارے کا اس سارے مواد سے کوئی تعلق نہیں۔‎‎

موضوعات:ریحام خان عمران خان کتاب