اسلام آباد (مانیٹرنگ ڈیسک) پاکستان تحریک انصاف نے پشاور حملہ کے بعد خیبرپختونخوا میں ایک روزہ سوگ کا اعلان کر دیا ۔ ہارون بلور اور دیگر کی شہادتوں سے پورا ملک سوگوار ہے ۔ ترجمان تحریک انصاف فواد چودھری کے مطابق پاکستان تحریک انصاف نے پشاور میں یکہ توت حملہ کے بعد ایک روزہ سوگ کا اعلان کیا ہے ۔

انہوں نے کہاکہ کے پی کے میں جاری انتخابی مہم ایک روز کے لئے روک دی گئی ہے ۔ اے این پی کی کارنر میٹنگ پر حملہ قابل مذمت ہے دکھ کی اس گھڑی میں بلور خاندان اور اے این پی کے ساتھ ہیں انہوں نے کہا کہ ہارون بلور اور دیگر کی شہادتوں سے پورا ملک غم میں ڈوبا ہوا ہے اللہ تعالیٰ شہید ہونے والوں کی مغفرت فرمائیں اور زخمیوں کو جلد از جلد صحت یاب کریں ۔

موضوعات:اے این پی