اسلام آباد (مانیٹرنگ ڈیسک ) پاک فوج کی جانب سے گزشتہ روز ڈیمز کی تعمیر کیلئے فنڈز دینے کے اعلان کے بعد پاکستانیوں نے دھڑا دھڑ فنڈز جمع کروا نے شروع کر دیئے، تفصیلات سپریم کی ویب سائٹ پر جاری کر دی گئیں۔ تفصیلات کے مطابق پاک فوج کی جانب سے گزشتہ روز ڈیمز کی تعمیر کیلئے فنڈز دینے کے اعلان کے بعد پاکستانیوں نے دھڑا دھڑ سپریم کورٹ کےڈیمز کی تعمیر کیلئے فنڈ میں رقوم جمع کروانا شروع کر دی ہیں۔ چیف جسٹس نے مہمند اور بھاشا ڈیم کی تعمیر کیلئے قوم سے فنڈز کی پیل کی تھی جس کے

بعدپانچ جولائی کو سٹیٹ بینک نے بینک اکاؤنٹ قائم کر دیا جس میں پاکستانیوں نے فنڈز جمع کروانے شروع کر دیے لیکن گزشتہ روز تک کوئی خاطرخواہ فنڈ جمع نہ ہو پائے تھے جو کہ تقریبا 12 لاکھ روپے تک تھے جس میں سے 10 لاکھ روپے چیف جسٹس نے عطیہ کیے تھے تاہم اب خوشخبری آئی ہے کہ قوم کی جانب سے اس قومی فریضہ میں بھرپور شرکت کی جاری ہے اور تیزی سے فنڈز جمع کروائے جارہے ہیں ۔ مہمند او ر بھاشا ڈیم کی تعمیر کیلئے کھولے گئے اکاونٹ میں اب تک 25 لاکھ 47 ہزار 411 روپے جمع ہو چکے ہیں۔

موضوعات:ڈیم فنڈ