لاہور(مانیٹرنگ ڈیسک)سابق وزیراعلیٰ پنجاب شہباز شریف کی جان کو خطرہ لاحق ۔ خبر کی تفصیلات کے مطابق مسلم لیگ ن کے صدر میاں شہباز شریف پر دہشت گردوں نے حملے کی منصوبہ بندی کر لی ہے ۔ پاکستان میں الیکشن کی تاریخ جوں جوں قریب آتی جارہی ہے ، سیاسی رہنمائوں کی انتخابی مہم میں بھی تیزی آگئی ہے ۔ ہر طرف انتخابی مہم کا زور تیزی پکڑ گیا ہے ۔ قومی اخباری کی رپورٹ کے مطابق پاکستان میں کئی نامور سیاستدان کی جانوں کو خطرہ ہے ۔

رپورٹ کے مطابق نیشنل کائونٹر رازم اتھارٹی نے انتباہ جاری کیا ہے کہ تحریک طالبان پاکستان نے سابق وزیراعلیٰ پنجاب میاں شہباز شریف پر حملے کی منصوبہ تیار کر لی ہے ۔ وہ کسی وقت بھی ان پر حملہ آور ہو سکتے ہیں ۔ نیکٹا کی طرف سے محکمہ داخلہ ، آئی ایس آئی ، ملٹری انٹیلی جنس ، سپیشل برانچ ، آئی بی سمیت دیگر قانون نافذکرنے والے اداروں کو بھیجے جانے والے مراسلے میں ن لیگ کے صدر شہباز شریف کی سیکیورٹی بڑھانے اور خفیہ نگرانی کرنے کیلئے سخت فوری اقداما ت کا حکم دیا ہے ۔ انتہائی قابل اعتبار ذرائع نے اس بات کی تصدیق کر دی ہے کہ افغانستان کے صوبہ کنٹر میں دہشتگردوں کے مختلف گروپوں میں کمانڈروں کا اجلاس ہوا جس میں یہ پاکستان میں دہشتگردی کے مذموم منصوبے بناگئے ۔ اس کے علاوہ پی پی اور اے این پی کے جلسوں کو بھی نشانہ بنانے کا فیصلہ لیا گیا ہے ۔ ان تمام صورتحال کو مدنظر رکھتے ہوئے نیکٹا نے شہباز شریف کی سیکیورٹی بڑھانے کیلئے سیکیورٹی ایجنسیوں کو حکم جاری کر دیاہےہے ۔

موضوعات:حملے کی منصوبہ بندی دہشتگرد شہباز شریف