صوابی(نیوز ڈیسک)عام انتخابات سے قبل پہلا بڑا جھگڑا، اے این پی اور تحریک انصاف کے کارکنوں کی ایک دوسرے پر شدید فائرنگ، ایک جاں بحق متعدد زخمی، ترکئی میں عوامی نیشنل پارٹی اور تحریک انصاف کے کارکنوں میں فائرنگ کے تبادلے میں ایک راہ گیر جاں بحق جبکہ اے این پی کے کارکن سمیت متعدد افراد کے زخمی ہونے کی اطلاعات ہیں، بتایا گیا ہے کہ گزشتہ رات ترکئی میں پی ٹی آئی کے ورکرز کنونشن کے

دوران پی ٹی آئی کارکنوں نے اے این پی کے کارکن کے گھر کی دیوار پر ساؤنڈ سسٹم لگا دیا ،جس پر پی ٹی آئی اور اے این پی کے کارکنوں کے مابین تلخ کلامی ہوئی ،جمعہ کی صبح دونوں پارٹیوں کے کارکنوں نے ایک دوسرے پر فائرنگ کردی ،جس کے نتیجے میں ایک راہ گیر شیر محمد جاں بحق جبکہ اے این پی کا ایک کارکن نواب علی زخمی ہوگئے ، کالوخان پولیس نے ایف آئی آر درج کرکے تفتیش شروع کردی ہے ۔

موضوعات:اے این پی اور تحریک انصاف کے کارکنوں کی ایک دوسرے پر شدید فائرنگ