اسلام آباد(مانیٹرنگ ڈیسک)ڈان اخبار کے صحافی سرل المیڈا نے ایک بار پھر پاکستان کے سیاسی نظام کی توہین کر ڈالی۔ اخبار کے سرورق پر بانی پاکستان کی تصویر لگا کر قائداعظم کے ہاتھوں وجود میں آنے کے دعویدار اخبار نے نازیبا الفاظ کیساتھ سرل المیڈا کا کالم چھاپ دیا۔ پاکستان کے موقر قومی اخبار روزنامہ خبریں کی رپورٹ کے مطابق سر المیڈا نے اپنے کالم میں پاکستانی سیاست کے

خلاف توہین آمیز الفاظ میں لکھا ہے کہ ہر بار 20لوگ وزارت عظمیٰ کیلئے لائن میں لگے رہتے ہیں۔ یہ لوگ وزیراعظم بننے کیلئے اپنی ماں تک کو بیچنے کیلئے تیار رہتے ہیں۔ اپنے کالم میں نواز شریف کا دفاع کرتے ہوئے سر المیڈا نے کہا کہ نواز شریف کو سیاست سے نکال دیا جائیگا ایسا پہلی بار نہیں ہو رہا۔ آپ کسی بھی اعتبار سے جائزہ لے لیں۔ نواز شریف کو سیاسی میدان سے ہانک کر نکالا جا رہا ہے۔ یہ امر یقینی دکھائی دیتا ہے کہ وہ غالباََ کامیاب ہونگے۔ ایسا پہلے بھی ہوتا رہا ہے۔ کنٹرولڈ ڈیمو کریسی بڑے عمدہ طریقے سے کام کر رہی تھی اور بھارت کے ساتھ بریک تھرو کا بھی امکان نہیں تھا۔ اس وقت ایک ہی چیز نارمل دکھائی دے رہی ہے وہ عمران خان کا بلند و بانگ دعوے کرنا ہے۔ ایسا دکھائی دیتا ہے وہ پہلے ہی وزیراعظم بن چکے ہیں۔ اب تک تو نواز شریف کو جیل میں ہونا چاہئے تھا۔ اگر ایسا کوئی منصوبہ نہیں ہے تو بنایا جا سکتا ہے۔ تحریک انصاف کے سربراہ فواد چوہدری نے سرل المیڈا کے کالم کو حیران کن قرار دیتے ہوئے کہا ہے کہ ان کے کالم میں جو زبان استعمال کی گئی ہے اس پر انہیں قوم اور پاکستانی سیاستدانوں سے معافی مانگنی چاہئے۔ ووٹ کو عزت دینے کا نعرہ لگانے والوں نے اپنا نام ووٹ رکھا ہوا ہے۔ وہ اور ڈان نیوز جس قسم کی وضاحت کو پرموٹ کر رہے ہیں اس کی وجہ سے سرل المیڈا نے یہ کالم لکھا۔ ڈکٹیٹر شپ کی پیداوار اپنے سرل المیڈا تمام لوگوں کو سمجھتی ہے جیسا انہوں نے لکھا ہے میرا خیال تھا سر المیڈا گزشتہ انٹرویو پر معافی مانگ چکے ہونگے مگر ایسا ماحول پیدا کرنے کی کوشش کی جا رہی ہے کہ نواز شریف نہیں ہیں تو ملک چل ہی نہیں سکتا۔

موضوعات:پی ٹی آئی سرل المیڈا فواد چوہدری