اسلام آباد (نیوز ڈیسک) پورے پنجاب اور خیبرپختونخوا کے علاوہ اسلام آباد میں بھی بجلی کے بریک ڈاؤن کے باعث بجلی غائب رہی، اس موقع پر جرمن سفارت خانے میں بجلی نہ ہونے کے باعث جرمن سفیر مارٹن کوبلر نے سماجی رابطے کی ویب سائٹ ٹوئٹر پر اپنے پیغام میں لکھا کہ سفارت خانے میں بجلی نہیں! خوش قسمتی سے ہمارے پاس جنریٹر ہیں جو کام کر رہے ہیں، انہوں نے اپنے پیغام میں مزید لکھا کہ ان کے کے لیے افسوس ہے جن کے

پاس جنریٹر نہیں، کیا آپ بھی بجلی کی اس عدم موجودگی سے متاثر ہو رہے ہیں؟ اس پیغام کے ساتھ جرمن سفیر نے اپنی تصویر بھی شیئر کی جس میں وہ سفارتخانے کے اندر کھڑے ہیں اور وہاں بجلی نہیں ہے، جرمن سفیر کے اس ٹوئیٹ کا جواب معروف صحافی حامد میر نے کچھ ایسے دیا، یہ جان کر افسوس ہوا کہ جرمن سفارت خانہ بھی بجلی سے محروم ہے، ہم اس تکلیف پر آپ سے معذرت خواہ ہیں لیکن ہم سے معذرت کرنے والا کوئی نہیں ہے۔

موضوعات:جرمن سفیر مارٹن کوبلر