اسلام آباد (مانیٹرنگ ڈیسک)نیب ریفرنسز کا فیصلہ اکٹھا آئیگا اور اس میں نواز شریف اور ان کے بچوں کو 14، 14سال سزا ہوتی ہے تو یہ 42سال بنتے ہیں، نواز شریف کی صاحبزادی قانون کی اور نیب کی دسترس سے بچ نہیں پائیں گی ، یہ ایک تاثر دیا جا رہا ہے کہ کیسز میں سزا ہونے کے بعد ان کی بڑی جلدی ضمانت ہو جائے گی حالانکہ ایسا نہیں ہو گا ، اگر ان کو سزا ہو گئی تو ضمانت ہونے

میں بھی کئی سال لگ سکتے ہیں ، ہو سکتا ہے کہ ان کو ایک سال یا دو سال کے بعد ضمانت ملے، معروف صحافی عارف نظامی نے شریف خاندان سے متعلق خوفناک پیش گوئی کر دی۔ تفصیلات کے مطابق نجی ٹی وی چینل سے گفتگو کرتے ہوئے معروف صحافی عارف نظامی نے کہا ہے کہ نیب ریفرنسز کے نتائج سے متعلق نواز شریف اور ان کے بچے بخوبی جانتے ہیں، کہ چاہے مہینہ لگے یا دو مہینے ان کو سب صاف نظر آرہا ہے۔ عارف نظامی نے شریف خاندان سے متعلق خوفناک پیش گوئی کرتے ہوئے کہا ہے کہ نیب ریفرنسز کافیصلہ ایک ساتھ آئے گا ، نیب میں ان کے تین ریفرنسز چل رہے ہیں۔ ن سب کیسز میں اگر ان کو چودہ سال کی سزا ہوتی ہے تو یہ 42 سال بنتے ہیں، اس کے علاوہ جرمانہ یا جائیداد کی ضبطگی وغیرہ بھی اس میں شامل ہوتی ہے۔ انہوں نے کہاکہ نواز شریف کی صاحبزادی قانون کی اور نیب کی دسترس سے بچ نہیں پائیں گی ، یہ ایک تاثر دیا جا رہا ہے کہ کیسز میں سزا ہونے کے بعد ان کی بڑی جلدی ضمانت ہو جائے گی حالانکہ ایسا نہیں ہو گا ، اگر ان کو سزا ہو گئی تو ضمانت ہونے میں بھی کئی سال لگ سکتے ہیں ، ہو سکتا ہے کہ ان کو ایک سال یا دو سال کے بعد ضمانت ملے ۔نواز شریف کو اب مستقبل میں اپنے آگے اندھیرا ہی اندھیرا نظر آ رہا ہے، نواز شریف اس قسم کی باتیں کر کے یہ سوچ رہے ہیں کہ شاید وہ مقبولیت حاصل کر رہے ہیں۔

موضوعات:عارف نظامی مریم نواز نواز شریف نیب ریفرنسز