لاہور(مانیٹرنگ ڈیسک) ’’میں سوری کا ’س بھی نہیں کہوں گا لیکن ایوان کے اندر ۔۔۔‘‘تحریک انصاف کیخلاف نازیبا الفاظ کا استعمال ! رانا ثنا اللہ نے ایوان میں کھڑے ہو کر وہ کام کر دیا کہ اسمبلی مچھلی منڈی بن گئی ۔پنجاب کے وزیر قانون رانا ثناءاللہ نے خواتین سے متعلق دیئے گئے بیان پر ایوان میں معذرت کرلی تاہم انہوں نے اپوزیشن کے ’سوری‘ کرنے کے مطالبے کو مسترد کردیا۔تحریک انصاف کے 29 اپریل کو مینار پاکستان پر

ہونے والے جلسے پر ردعمل دیتے ہوئے رانا ثناء نے خواتین سے متعلق غیر مناسب الفاظ استعمال کیے تھے جس پر اپوزیشن جماعتوں کے شدید رد عمل پر مسلم لیگ (ن) کے صدر شہباز شریف نے معذرت بھی کی تھی۔رانا ثناءاللہ کےبیان پر تحریک انصاف کے رہنما شیریں مزاری نے قومی اسمبلی میں مذمتی قرارداد پیش کی تھی جسے ایوان نے منظور کیا۔وزیر قانون پنجاب رانا ثناءاللہ نے بیان پر شدید رد عمل سامنے آنے اور سیاسی رہنماؤں کی جانب سے مذمت کیے جانے کے بعد ایوان کے اندر خواتین کے حوالے سے دیئے گئے بیان پر معذرت کرلی ہے۔

موضوعات:رانا ثنا اللہ