ملتان (مانیٹرنگ ڈیسک) عدالت نے بڑا حکم جاری کرتے ہوئے قندیل بلوچ قتل کیس میں مفتی عبدالقوی سمیت پانچ ملزمان پر فردِ جرم عائد کر دی ہے۔ ایک نجی ٹی وی چینل کی رپورٹ کے مطابق قندیل بلوچ قتل کیس کی مقامی عدالت میں سماعت ہوئی، اس موقع پر مفتی عبدالقوی، عبدالباسط، وسیم اور حق نواز سمیت پانچوں ملزمان عدالت میں حاضر ہوئے۔ ماڈل گرل

قندیل بلوچ کے قتل کیس میں عدالت کی جانب سے پانچوں ملزمان پر فردِ جرم عائد کر دی گئی، جب عدالت نے ملزمان پر فرد جرم عائد کی تو ان ملزمان نے صحت جرم سے ہی انکار کر دیا، واضح رہے کہ قندیل بلوچ کو 15 جولائی 2016ء کو قتل کیا گیا تھا، قندیل بلوچ کے بھائی وسیم نے غیرت کے نام پر اپنی بہن کو قتل کرنے کا اعتراف کیا تھا۔

موضوعات:قندیل بلوچ قتل کیس