اسلام آباد(مانیٹرنگ ڈیسک)اورنج لائن ٹرین منصوبے میں کروڑوں کی بے ضابطگیاں، نیب نے ریکارڈ طلب کر لیا۔ تفصیلات کے مطابق نیب حکام نے اورنج لائن ٹرین منصوبے میں کروڑوں کی بے ضابطگیوں کا نوٹس لے لیا ہے اور اس حوالے سے ڈی جی ایل ڈی اے سے ریکارڈ طلب کرنے کیلئے دوسرا خط لکھ ڈالا۔ خط میں نیب نے ڈی جی ایل ڈی اے کو اورنج لائن ٹرین کے حوالے سے

ایک سوالنامہ بھی بھیجا ہے جس میں ان سے بے ضابطگیوں سے متعلق سوال پوچھے گئے ہیں۔ ذرائع کے مطابق نیب کی جانب سے بھیجے جانے والے خط کا سوالنامہ 12سوالات پر مشتمل ہے جس میں ان سے پوچھاگیا ہے کہ پاکستان اور چین کے درمیان ہونیوالا معاہدہ فراہم کیا جائے جبکہ نیب نے کمرشل اور فنانشنل معاہدے سمیت ٹھیکوں کی تفصیلات بھی طلب کی ہیں۔دوسری جانب ایل ڈی اے حکام کی جانب سے جاری کردہ بیان میں کہا گیا ہے کہ نیب کا خط موصول ہوچکا ہے خط کے مطابق ریکارڈ اکھٹا کر رہے ہیں جلد نیب کو فراہم کر دیے جائےگا۔واضح رہے کہ تحریک انصاف کے چیئرمین عمران خان کی جانب سے بھی اورنج لائن ٹرین منصوبے پر تحفظات اور شکوک و شبہات کا اظہار کیا جا چکا ہے جس کا جواب دیتے ہوئے گذشتہ ماہ وزیر اعلیٰ پنجاب شہباز شریف کا میڈیا سے گفتگو کرتے ہوئے کہنا تھا کہ اورنج ٹرین منصوبہ پاکستان تحریک انصاف کی وجہ سے 22 ماہ کی تاخیر کی شکار ہوا، امید ہے منصوبہ جلد مکمل کر لیا جائے گا۔واضح رہے کہ گذشتہ سال پنجاب حکومت نے اورنج لائن میٹرو ٹرین منصوبہ کیلئے سرکاری خزانے سے ایک ارب 53 کروڑ چالیس لاکھ روپے اضافی جاری کیے تھے، مذکورہ اضافی فنڈ وزیراعلیٰ پنجاب شہباز شریف کی منظوری سے محکمہ خزانہ نے جاری ہوا تھا۔دوسری جانب وزیراعلیٰ پنجاب شہباز شریف نے کہا ہے کہ عمران خان الزام لگاتے ہیں

کہ میں بیرون ملک جا کر چیک اپ کراتا ہوں، جلا وطنی کے دوران میں مجھے اپینڈکس کا کینسر ہوا تھا، لندن میں اسی کے علاج کے سلسلے میں آتا ہوں۔لندن سے پاکستان روانگی سے قبل میڈیا سے گفتگو کرتے ہوئے شہباز شریف نے کہا کہ ’میں امریکا میں آپریشن کے بعد 2004 کے اوائل میں امریکا سے لندن شفٹ ہوا، لندن میں معالج کے پاس میرے موذی مرض کی ہسٹری ہے، الزام خان کو

کچھ تو خیال ہونا چاہیے، کچھ تو احساس ہونا چاہیے‘۔وزیراعلیٰ پنجاب نے کہا کہ الیکشن قوم کی توقع اور ضرورت ہے، 22 کروڑ عوام کی ترقی اور خوشحالی کا راز الیکشن میں ہے۔جب ان سے پوچھا گیا کہ اگر وہ آئندہ وزیراعظم بن گئے تو ان کی اولین ترجیح کیا ہوگی تو انہوں نے کہا کہ جب موقع آئے گا تو تو ترجیحات کے بارے میں پوری قوم کو بتاؤں گا۔انہوں نے کہا کہ لیڈر قوم سے سچ کی توقع کرتی ہے

جھوٹ کی نہیں، میں میڈیکل چیک اپ کیلئے لندن آیا تھا اور 2آفیشل میٹنگز بھی ہوئی ہیں۔

موضوعات:اورنج لائن ٹرین منصوبہ ڈی جی ایل ڈی اے نیب