مظفرگڑھ (مانیٹرنگ ڈیسک) اپنے شوہر کی دوسری شادی اپنی کزن سے کروانے کے معاملے کا حیرت انگیز انجام سامنے آ گیا، پنجاب کے شہر مظفر گڑھ سے ایک انوکھی خبر سامنے آئی تھی۔واضح رہے کہ اس سے قبل ایک نجی ٹی وی چینل پر ان تینوں میاں بیوی کو مدعو کیا گیا تھا، پروگرام کے دوران انیس سالہ فراز کی پہلی بیوی علینہ نے اپنے شوہر کی دوسری شادی اس کی کزن علشبہ سے کروانے کی وجہ بتائی،

علینہ نے اس موقع پر کہا کہ اس کی دوست علشبہ کی والدہ بچپن میں ہی فوت گئی تھی اور علشبہ کے والد نے دوسری شادی رچا لی تھی مگر علشبہ کو سوتیلی ماں سے کبھی ماں والا پیار نہیں ملا، پروگرام کے دوران علینہ نے بتایا کہ علشبہ جب بھی تنہائی کا شکار ہوتی تو وہ ہمیشہ اپنا غم غلط کرنے کے لیے میرے پاس آ جاتی اور میں نے اسے ہمیشہ اپنی بہن کی طرح ہی سمجھا اور ہمیشہ اس کے لیے قربانی دینے کے لیے تیار رہتی۔ علینہ نے پروگرام کے دوران کہا کہ میں نے فراز کی علشبہ سے شادی کروا دی جس پر میرے والدین مجھ سے ناراض ہو گئے ہیں اور انہوں نے بات چیت کرنا بھی چھوڑ دیا ہے علینہ نے کہا کہ میں کیونکہ علشبہ سے بہت پیار کرتی ہوں اور اسی وجہ سے میں نے اس کی فراز سے شادی بھی کرائی تاکہ ہم دونوں اکٹھی رہ سکیں میں اس سے علیحدہ ہونے کا سوچ بھی نہیں سکتی۔160ایک انیس سالہ نوجوان کی بیوی نے اسے دوسری شادی بھی کروا دی،اب اس تمام معاملے کا ڈراپ سین ہو گیا ہے۔ علینہ نامی لڑکی نے اب شوہر پر اغوا کے بعد زبردستی شادی کرنے کا مقدمہ درج کروا دیا ہے۔ علینہ نے الزام عائد کرتے ہوئے کہا کہ وہ پہلے سے شادی شدہ تھی، اس کے باوجود فراز نے اسے اغوا کرکے زبردستی شادی کر لی۔ پولیس نے علینہ کی درخواست پر فراز سمیت 6 افراد کو گرفتار کر لیا ہے۔ اس حوالے سے پولیس مزید تفتیش کر رہی ہے۔

موضوعات:علینہ