رحیم یار خان میں قتل کی اندوہناک واردات۔۔باپ اور ماموں نے مل کر 17سالہ آمنہ کو موت کے گھاٹ اتار دیا۔۔چند روز قبل والد اور ماموں آمنہ کو کہاں سے جا کر لائے تھے ، لرزہ خیز کہانی سامنے آگئی

  منگل‬‮ 13 مارچ‬‮ 2018  |  17:31

رحیم یار خان (این این آئی)رحیم یار خان کے علاقے چک 4 کی رہائشی 17 سالہ لڑکی کو باپ اور ماموں نے کاری قرار دے کر گلا دبا کرقتل کرنے کے بعد تیزدھار آلہ سے شہ رگ بھی کاٹ ڈالی ٗملزمان نے 17 سالہ لڑکی کو قتل کرنے کے بعد موقع سے فرار ہوگئے ٗپولیس نے نعش تحویل میں لے کر پوسٹ مارٹم کے بعد تدفین کیلئے ورثاء کے حوالے کردی۔ذرائع کے مطابق چک 4 این پی کی رہائشی 17 سالہ آمنہ چند روز قبل کوٹ سمابہ کے رہائشی آشنا فیاض احمد کے ہمراہ گھر سے بھاگ گئی تھی۔لڑکی کے

گھر چھوڑنےپر پر ورثاء آمنہ کو برادری کے طور پر واپس گھر لے آئے تھے۔گزشتہ روز مقتولہ کے ماموں محمد بخش اور والد امام بخش نے گھر سے بھاگ جانے کی رنجش پر آمنہ کو کاری قرار دے کر پہلے گلا دبا کر موت کے گھاٹ اتاردیا اور بعد ازاں تیز دھار آلہ سے اس کی شہ رگ بھی کاٹ ڈالی ٗملزمان ماموں اور باپ آلہ قتل سمیت موقع سے فرارہوگئے۔اطلاع ملنے پر پولیس نے موقع پر پہنچ کر مقتولہ کی نعش قبضہ میں لے کر پوسٹ مارٹم کے بعد تدفین کیلئے ورثاء کے حوالے کردی ٗپولیس نے فرار ملزمان کی تلاش شروع کردی۔

موضوعات:

آج کی سب سے زیادہ پڑھی جانے والی خبریں