گوجرانوالہ (مانیٹرنگ ڈیسک) وزیراعلیٰ پنجاب شہباز شریف نے گوجرنوالہ میں جلسے کے دوران پہلوان کو داؤ لگا کر چت کر کے سب کو حیران کر دیا۔ اتوار کو گوجرانوالہ کے جناح اسٹیڈیم میں مسلم لیگ (ن) کے جلسے کے دوران جب ایک پہلوان اسٹیج پر شہباز شریف سے ملنے کیلئے آتا تو انہوں نے گلے ملتے ہی پہلوان کو چت کر دیا لیکن

پہلوان کو نیچے گرنے نہیں دیا۔شہباز شریف نے پہلوان کو پکڑ کر دوبارہ اٹھایا اور خوش ہوکر گلے بھی لگایا جس پر پہلوان بھی مسکرانے پر مجبور ہو گیا۔بعد ازاں وزیراعلیٰ پنجاب شہباز شریف کو گوجرانوالہ کی روایتی پگڑی پہنائی گئی اور پہلوانوں کا روایتی گرز بھی انہیں تھمایا گیا جو انہوں نے پہلوانوں کی طرح اپنے کندھے پربھی رکھا۔

موضوعات:شہباز شریف