اسلام آباد (مانیٹرنگ ڈیسک)حکمران جماعت ن لیگ اور عدلیہ کے درمیان کشیدگی، حیدر آباد میں چیف جسٹس آف پاکستان جسٹس میاں ثاقب نثار کی حمایت میں بینرز لگ گئے۔ تفصیلات کے مطابق حکمران جماعت ن لیگ اور عدلیہ کے درمیان کشیدگی کےماحول میں حیدر آباد سے خبر ہے کہ موجودہ صورتحال میں پاکستانی عوام نے چیف جسٹس میاں ثاقب نثار کی حمایت کرتے ہوئے ان کے ساتھ کھڑے ہونے کا اعلان کر دیا۔ حیدر آباد میں چیف جسٹس میاں ثاقب نثار کے حق

میں بینرز آوایزاں کر دئیے گئے ہیں جن پر لکھا گیا ہے کہ ’’ قدم بڑھاؤ چیف جسٹس ہم تمھارے ساتھ ہیں ‘‘جبکہ ان بینرز میں چیف جسٹس میاں ثاقب نثار کو عدلیہ کا وقار بحال کرنے پر خراج تحسین پیش کیا گیا ہے۔بینرز پر آویزاں تحریر میں کہا گیا ہے کہ ہم چیف جسٹس کی ملک دشمن عناصر خواہ ان کا تعلق کسی بھی سیاسی جماعت یا ادارے سے ہوں ان کو عبرت کا نشانہ بنانے کی حمایت کرتے ہیں ۔بینرز کے نیچے منجانب حیدر آباد کی باشعور اور غیور عوام لکھا گیا ہے ۔

موضوعات:بینرز جسٹس ثاقب نثار چیف جسٹس آف پاکستان حیدر آباد