اسلام آباد (مانیٹرنگ ڈیسک)راولپنڈی میں  شرمناک واقعہ ،سگے بھائی نے دکان مالک کے ساتھ مل کر اپنی بہین کو مبینہ طور پر زیادتی کا نشانہ بنا ڈالا،باپ کی درخواست پر دونوں کو گرفتار کر لیا گیا۔ نجی ٹی وی کے مطابق راولپنڈی کے علاقے آریہ محلے میں 15 سالہ بہن کو مبینہ طور پر زیادتی کا نشانہ بنانے والے بھائی کو پولیس نے گرفتار کر لیا ہے۔ بچی کا میڈیکل بے نظیر ہسپتال سے کرا لیا گیا ہے ، دونوں ملزمان کا بھی میڈیکل کرایا جا رہا ہے۔

ذرائع کے مطابق پولیس کو آریہ محلے کے ایک رہائشی مزمل نے رپورٹ درج کرائی تھی کہ وہ درزی کا کام کرتا ہے جبکہ اس کی دو بیٹیاں اور دو بیٹے ہیں، بڑا بیٹا 18 سالہ شاہد کمیٹی چوک میں عمران نامی شخص کے ساتھ کارپینٹر کا کام کرتا ہے اور ان کے مطابق اس کی بیٹی کو اس کا بیٹا اور مالک دکان دو ماہ تک زیادتی کا نشانہ بناتے رہے۔مزمل نے بتایا کہ اس کی بیٹی کی شکایت پر انھوں نے پولیس کو آگاہ کیاجس پر پولیس نے دونوں کو گرفتار کرلیا۔

موضوعات:راولپنڈی زیادتی