اسلام آباد (مانیٹرنگ ڈیسک)توہین عدالت کیس ، دانیال عزیز کو سپریم کورٹ نے شوکاز نوٹس جار ی کر دیا۔ تفصیلات کے مطابق توہین عدالت کیس میں سپریم کورٹ نے وفاقی وزیر اور ن لیگ کے رہنما دانیال عزیز کو شوکاز نوٹس جاری کر دیا ہے۔ دانیال عزیز کے توہین عدالت کیس کی سماعت جسٹس عظمت سعید شیخ کی سربراہی میں تین

رکنی بنچ نے کی۔ سماعت کے دوران عدالت نے ریمارکس دیتےہوئے کہا کہ دانیال عزیز بادی النظر میں توہین عدالت کے مرتکب ہوئے ہیں۔ سپریم کورٹ نے اٹارنی جنرل اشتراوصاف کو دانیال عزیز کے توہین عدالت کیس میں استغاثہ مقرر کرتے ہوئے دانیال عزیز کو شوکاز نوٹس جاری کرتے ہوئے جمعہ تک جواب جمع کروانے کا حکم دیدیا ہے۔

موضوعات:توہین عدالت کیس دانیال عزیز