کراچی (مانیٹرنگ ڈیسک) پاک سر زمین پارٹی کے مرکزی سیکریٹریٹ پاکستان ہاؤس میں پاکستان تحریک انصاف کے وفد کی آمد۔ مشترکہ پریس کانفرنس سے خطاب کرتے ہوئے پاک سر زمین پارٹی کے سیکرٹری جنرل رضا ہارون نے کہا کہ پی ایس پی اور پی ٹی آئی کے درمیان عوامی مسائل پر روابط کئی ماہ سے جاری ہیں اور عوام کے مفاد میں مسائل کے حل کے لیے مل کر کام کرتے رہیں گے۔

انہوں نے کہا کہ آئندہ سینیٹ انتخابات میں مشاورت کے لیے دونوں جماعتوں کی جانب سے رابطہ کمیٹی قائم کردی گئی ہے جس کی سفارشات کی روشنی میں دونوں جماعتوں کی جانب سے آئندہ کا لائحہ عمل طے کیا جائے گا۔ انہوں نے مزید کہا کہ کراچی میں مسائل کا انبار لگا ہوا ہے، روزانہ کی بنیادپر 145بچے صرف زہریلا پانی پینے کی وجہ سے جان بحق ہو رہے ہیں اور حکمران غفلت کی نیند سو رہے ہیں۔ پاک سر زمین پارٹی تمام اپوزیشن جماعتوں سے رابطے میں ہے۔ط اس موقع پر عمران اسماعیل نے کہا کہ کراچی میں جو بھی ترقیاتی کام ہوئے وہ مصطفیٰ کمال کی نظامت کے دور میں ہوئے جبکہ موجودہ میئر صرف مایوسی کی تصویر پیش کر رہے ہیں۔ پاک سر زمین پارٹی اور پاکستان تحریک انصاف مل کر زیادہ بہتر انداز میں عوامی مسائل اجاگر کریں گے۔ وفد میں پی ٹی آئی کے مرکزی رہنما عمران اسماعیل، نجیب ہارون، سینئر ایکزیکٹیو نائب صدر سندھ حلیم عادل شیخ و دیگر شریک تھے۔ اس موقع پر پاک سر زمین پارٹی کے صدر انیس قائم خانی، سیکریٹری جنرل رضا ہارون، سینئر وائس چیئرمین انیس ایڈووکیٹ، ڈاکٹر صغیر احمد، وائس چیئرمین وسیم آفتاب سمیت دیگر رہنماؤں نے وفد کے شرکاء کا استقبال کیا۔ مشترکہ پریس کانفرنس سے خطاب کرتے ہوئے پاک سر زمین پارٹی کے سیکرٹری جنرل رضا ہارون نے کہا کہ پی ایس پی اور پی ٹی آئی کے درمیان عوامی مسائل پر روابط کئی ماہ سے جاری ہیں اور عوام کے مفاد میں مسائل کے حل کے لیے مل کر کام کرتے رہیں گے۔

موضوعات:مشترکہ پریس کانفرنس