کوئٹہ (آ ن لائن ) بلوچستان میں 801این جی اوزغیر سرکاری تنظیموں کی رجسٹریشن منسوخ کر دی گئی قومی ایکشن پلان کے تحت تمام غیرسرکاری تنظیموں کے لیے رجسٹریشن کی تجدید ضروری قراردی گئی ہے اس سلسلے میں تمام مقامی و قومی اخبارات میں وقتا فوقتا اشتہارات بھی شائع کئے گئے تاکہ یہ تنظیمیں بروقت اپنی رجسٹریشن کی تجدید کرواسکیں 1204رجسٹرڈ این جی اوز میں سے403 اپنی رجسٹریشنکی تجدید کرواچکی ہیں۔

سرکاری ذرائع کے مطابق بلوچستان میں 801تنظیموں کی جانب سے تجدید نہ کروانے پر ان غیر سرکاری تنظیموں کی رجسٹریشن منسوخ کردی گئی 183 نئی تنظمیوں نے اندراج کروایا ہے جس سے غیرسرکاری رجسٹرڈ تنظیموں کی کل تعداد پانچ سو چھیاسی 586 ہوگئی ہے تمام غیرسرکاری تنظیمیں جن کی رجسٹریشن منسوخ کردی گئی ہے اب ان کی رجسٹریشن کی تجدید نہیں کی جاسکتی یہ تنظیمیںاز سرنو سابقہ یا نئے ناموں کے ساتھ اپنی غیرسرکاری تنظیموں کی رجسٹریشن آئین برائے رجسٹریشن رضا کار ادارہ ہائے سماجی بہبود مجریہ آرڈیننس 1961 ایکٹ کے تحت کرواسکتے ہیں قومی ایکشن پلان کے تحت تمام غیرسرکاری تنظیموں کے لیے رجسٹریشن کی تجدید ضروری قراردی گئی ہے اس سلسلے میں تمام مقامی و قومی اخبارات میں وقتا فوقتا اشتہارات بھی شائع کئے گئے۔

موضوعات:بلوچستان،این جی اوز، رجسٹریشن