اسلام آباد (مانیٹرنگ ڈیسک) چوہدری نثار سے ذاتی رنجش نہیں، سیاست میں آنے سے پہلے ایک دوسرے سے ملے اور دوست بن گئے، یہ اسٹیبلشمنٹ کی بنائی سیاست کے ذریعے سامنے آئے جبکہ میں آمریت کی مخالفت کرتے سیاست میں آیا، چوہدری نثار سے اختلافات دہشتگردوں سے ہمدردی رکھنے کی وجہ سے ہوئے، چوہدری نثار کی آنکھوں میں دہشتگردوں کی ہلاکت پر آنسو آجاتے تھے،

کابینہ میٹنگ میں تکرار ہوئی جس کے بعد نثار کا رویہ بدلا بدلا محسوس کیا، پرویز رشید نے چوہدری نثار سے اختلاف کی وجہ بتادی۔ تفصیلات کے مطابق نجی ٹی وی کے پرواگرام میں بات کرتے ہوئے پرویز رشید نے چوہدری نثار سے اختلافات کی وجہ بتاتے ہوئے کہا ہے کہ میری چوہدری نثار سے ذاتی رنجش نہیں بلکہ ان سے اختلافات دہشتگردوں سے ہمدردی رکھنے پر ہوئے۔ ان کا کہنا تھا کہ چوہدری نثار جب سیاست میں نہیں تھے تب ایک مشترکہ دوست کے ذریعے میرا ان سے تعارف ہوا اور ہم دوست بن گئے ۔ ہم دونوں کی سیاست میں فرق ہے ، چوہدری نثار اسٹیبلشمنٹ کی بنائی سیاست کی وجہ سے ان ہوئے جبکہ میں جو لوگ پاکستان میں آمریت کی مخالفت کرتے ہوئے سیاست میں داخل ہوتے ہیں اس راستے سے آیا۔چوہدری نثار دہشتگردوں سے ہمدردی رکھتے ہیں ان کے جذبات دہشتگردوں کیلئے ایسے ہیں کہ اگر کسی کی ہلاکت کی خبر سن لیتے تو آنکھوں میں آنسو آجاتے تھے جبکہ میں سمجھتا ہوں کہ ایسے لوگ جو پاکستان کی مسلح افواج پر حملے کرتے ان کے سروں سے فٹ بال کھیلتے ہیں ان سے کسی قسم کی ہمدردی نہیں ہونی چاہئے۔ میں نے چوہدری نثار کے معاملات اور انداز گفتگو اور حکمت عملی سے اندازہ لگایا کہ دہشتگردوں کی ہلاکت انہیں غمزدہ کر دیتی تھی اور وہ ان کی ہلاکت پر جذباتی ہو جاتے تھے۔ ایک مرتبہ کابینہ میٹنگ میں میری چوہدری نثار سے اسی

بات پر تکرار ہوگئی جس کے بعد ان کا رویہ میرے ساتھ بدلتا چلا گیا ، میں نے ہمارے درمیان جو دوستی کا رشتہ تھا اسے ٹوٹتا محسو س کیا مگر میں نے کبھی ان سے ذاتی اختلاف نہیں رکھا۔

موضوعات:پرویز رشید چوہدرینثار