اسلام آباد (مانیٹرنگ ڈیسک)17جنوری کو احتجاجی دھرنے میں شرکت کیلئے آنیوالے اپوزیشن جماعتوں اور عوامی تحریک کے کارکنان 15روز کا راشن اور گرم کپڑوں سمیت دیگر ضروری اشیا ہمراہ لے کر آئیں ، عوامی تحریک نے اہم اپیل کر دی۔ تفصیلات کے مطابق پاکستان عوامی تحریک کے مرکزی رہنما خرم نواز گنڈا پور نے پاکستان عوامی تحریک اور اتحادی اپوزیشن جماعتوں کے

کارکنوں سے اپیل کی ہے کہ وہ 17جنوری کو عوامی تحریک کے احتجاجی دھرنے میں شرکت کیلئے اپنے ساتھ آتے ہوئے 15روز کا راشن اور گرم کپڑوں کے ساتھ دیگر ضروری اشیا ہمراہ لائیں۔ کارکنان 15روز کیلئے دھرنے کی تیاری کر کے آئیں۔ خرم نواز گنڈا پور کا کہنا تھا کہ سانحہ ماڈل ٹائون پر انصاف ملنے تک اور شہباز شریف اور رانا ثنا کے استعفیٰ تک دھرنے کا فیصلہ واپس نہیں لیا جائے گا۔

موضوعات:عوامی تحریک دھرنا