لاہور(مانیٹرنگ ڈیسک) انویسٹی گیشن پولیس ہومی سائیڈ یونٹ کاہنہ نے چند ماہ قبل میجر(ر) منیر احمدکوقتل کرنے والے ملزمان کو گرفتار کرکے آلہ قتل اور نقدی برآمد کرلی ہے۔ تفصیلات کے مطابق چند ماہ قبل میجر (ر)منیر احمد کو نامعلوم ملزمان نے قتل کر دیا تھا جس کا مقدمہ تھانہ نشتر کالونی میں درج ہوا۔ واقعہ کی سنگینی کو مد نظر رکھتے ہوئے ایس ایس پی انویسٹی گیشن غلام مبشر میکن نے ایس پی ماڈلٹاؤن انویسٹی گیشن ابرار حسین

نیکوکارکو اس لرزہ خیر واردات میں ملوث ملزمان کی فوری گرفتاری کا ٹاسک دیا۔جس پر انہوں نے ہومی سائیڈ انچارج سب انسپکٹر رضاقت علی اور دیگر اہلکاروں پر مشتمل سپیشل پولیس ٹیم تشکیل دی ۔ ٹیم نے ماڈرن تکنیکی بنیادوں کو بروئے کار لاتے ہوئے شب روز محنت کر کے اس وارادت میں ملوث 2ملزموں دل مراد عرف زاہد اور ارشاد بی بی عرف جٹی کو گرفتار کر لیااور ان کے قبضہ سے واردات میں استعمال ہونیوالا آلہ قتل ٹوکہ بھی برآمد کر لیا۔دوران تفتیش ملزمان نے انکشاف کیا کہ وہ ریٹائرڈ میجر منیر احمد کے پاس بطور ڈرائیور کام کرتا تھا۔ جس نے مقتول میجر منیر احمد سے کچھ عرصہ قبل 14لاکھ روپے ادھار لیے تھے اورجب میجر منیر احمدنے مجھ سے رقم کی واپسی کا تقاضہ کیا تو ان سے تلخ کلامی ہوگئی جس پر طیش میں آکر میں اور ساتھی دلشاد بی بی عرف جٹی نے تیز دھارٹوکے کی مدد سے اس کا گلہ کاٹ دیااورگھر سے 10لاکھ روپے نقدی،رولیکس گھڑی اور ضروری کاغذات لے کر فرار ہو گئے تھے۔ایس ایس پی انویسٹی گیشن غلام مبشر میکن نے میجر(ر) منیر احمد کے قاتل کو گرفتار کرنے پرانچارج ہومی سائیڈ رضاقت علی SIکوتعریفی سرٹیفکیٹ کا اعلان کیا ہے۔  انویسٹی گیشن پولیس ہومی سائیڈ یونٹ کاہنہ نے چند ماہ قبل میجر(ر) منیر احمدکوقتل کرنے والے ملزمان کو گرفتار کرکے آلہ قتل اور نقدی برآمد کرلی ہے۔ چند ماہ قبل میجر (ر)منیر احمد کو نامعلوم ملزمان نے قتل کر دیا تھا جس کا مقدمہ تھانہ نشتر کالونی میں درج ہوا۔

موضوعات:ملزمان گرفتار