اسلام آباد (مانیٹرنگ ڈیسک) چین کی دوستی پاکستان سے ہے کسی حکومت سے نہیں ، کسی حکومت کے جانے اور نئی حکومت آنے کا سی پیک منصوبے پر اثر نہیں پڑے گا، چین نے پاکستان میں گردش کرنے والی افواہوں کو غلط قرار دیدیا ۔ تفصیلات کے مطابق چین کے ایشین افیرز ڈیپارٹمنٹ کے ڈپٹی ڈویژن ڈائریکٹر کارلی پنگ فو نے نواز حکومت جانے کے بعد چین کی پاکستان

میں جاری سی پیک کے حوالے سے پھیلائی جانے والی افواہوں کی تردید کر دی ہے۔ کارلی پنگ فو کا کہنا ہے کہ چین کی دوستی پاکستان سے ہے کسی حکومت سے نہیں ، کسی حکومت کے جانے اور نئی حکومت آنے کا سی پیک منصوبے پر اثر نہیں پڑے گا۔ ان کا کہنا تھا کہ پاکستان میں کسی حکومت کے جانے اور نئی حکومت آنے کا سی پیک منصوبے پر اثر نہیں پڑے گا، منصوبے کی بروقت تکمیل اہمیت رکھتی ہے، سی پیک منصوبہ پاکستان چین دونوں ممالک کے عوام کیلئے اہم ہے۔انکا کہنا تھا کہ چین اقتصادی راہداری کے جاری منصوبوں کی رفتار کم کرنے اور اس میں رکاوٹ نہیں چاہتا، اس لئے پاکستان میں جاری سیاسی صورت حال پر گہری نظر رکھے ہوئے ہے، 50منصوبوں میں سے19 منصوبے تکمیل کے مختلف مراحل میں ہیں، کوئی طاقت جاری ترقیاتی منصوبوں میں رخنہ نہیں ڈال سکتی۔کار لی پنگ فو نے کہاکہ چین اقتصادی راہداری منصوبے کے اہم حصے گوادر پورٹ کی تکمیل کے لئے سنجیدہ ہے ورامید ہے کہ گوادر ائرپورٹ، گوادر ایکسپریس وے سمیت دیگر ترقیاتی منصوبے اس سال کے اختتام تک شروع کر لیے جائیں گے۔دوسری جانب چینی وزارت خارجہ کے مطابق سی پیک منصوبہ چین کے ون بیلٹ ون روڈمنصوبے کا حصہ ہے، ہم چاہتے ہیں کہ پاکستان بھی اس موقع سے بھرپورفائدہ اٹھائے ۔خیال رہے کہ چین نے موجودہ حکومت

کے دعووں کی قلعی کھول دی، نون لیگی حکومت گزشتہ چار سال سے مسلسل سی پیک کا کریڈٹ لے رہی ہے۔

موضوعات:چین سی پیک کارلی پنگ فو نواز حکومت