ملتان (این این آئی)قندیل بلوچ قتل کیس میں قندیل بلوچ کے والدین نے اپنے بیٹے وسیم کے بجائے رشتہ دار حق نواز کو قاتل قرار دیدیا ہے۔نجی ٹی وی کے مطابق قندیل بلوچ کے والدین نے یوٹرن لے لیا ہے اور اپنے بیٹے کو بچانے کی کوشش میں مصروف ہو گئے ہیں۔ والد نے اپنے نئے بیان میں کہا

کہ وسیم نے قندیل بلوچ کو قتل نہیں کیا بلکہ وہ پاس کھڑا تھا اور رشتے دار حق نواز نے اسے قتل کیا۔واضح رہے کہ قندیل بلوچ قتل کیس کے مرکزی ملزم وسیم کے خلاف والد کی مدعیت میں مقدمہ درج ہے جس نے پہلے قتل کا اعتراف کیا تھا مگر عدالت میں مکر گیا تھا۔