اسلام آباد(مانیٹرنگ ڈیسک) قومی اسمبلی کی رکنیت سے مستعفی نہیں ہو رہا، مخالفین اس طرح کی خبریں پھیلا رہے ہیں، طبیعت کی خرابی کے باعث تین ماہ سے اسلام آباد میں ہی مقیم رہا، میر ظفر اللہ جمالی نے ختم نبوت ایشو پر ن لیگ چھوڑنے اور اسمبلی سے مستعفی ہونے کی تردید کر دی۔ تفصیلات کے مطابق سابق وزیراعظم اور ن لیگ کے رہنما میر ظفر اللہ جمالی نے ختم نبوت ایشو پر ن لیگ چھوڑنے اور اسمبلی سے

مستعفی ہونے کی تردید کر دی ہے۔ ان کا کہنا تھا کہ طبیعت کی خرابی کے باعث تین ماہ سے اسلام آباد میں ہی مقیم ہوں اور اپنے حلقے میں نہیں جا سکا۔ ختم نبوت ایشو پر میری میڈیا سے گفتگو کو دیکھتے ہوئے مخالفین نے اسے غلط رنگ دیتے ہوئے میرے اسمبلی سے مستعفی ہونے کی غلط خبریں پھیلائی ہیں۔ ان کا کہنا تھا کہ قومی اسمبلی کی رکنیت سے مستعفی نہیں ہو رہا۔ مجھے جو اسمبلی میں تقریر کرنا تھی کر لی۔

موضوعات:ختم نبوت میر ظفر اللہ جمالی