جنوبی وزیرستان (مانیٹرنگ ڈیسک )جنوبی وزیر ستان میں پاکستان ایئرفورس کا تربیتی طیارہ مشاق گر کر تباہ ہو گیا تاہم حادثے میں پائلٹ سمیت تمام افراد محفوظ رہے ۔تفصیلات کے مطابق نجی ٹی وی چینل ’’ایکسپریس نیوز‘‘ نے اپنی رپورٹ میں کہا ہے کہ جنوبی وزیر ستان کی تحصیل وانا میں وانا ایئرسٹرپ سے تربیتی طیارے مشاق نے اڑان بھری تاہم چند لمحوں بعدوانا سٹیڈیم کے قریب ہی طیارہ حادثے کا شکار ہو گیا ا س کے نتیجے میں کسی

قسم کا جانی نقصان نہیں ہوا اور پائلٹ سمیت تینوں افراد محفوظ رہے ۔ابتدائی اطلاعات کے مطابق حادثے کی وجہ معلوم نہیں ہو سکی ۔اس سے قبل بھی سرگودھا کے نواحی علاقہ میں پاک فضائیہ کا طیارہ گرکرتباہ ہوا تھااور پائلٹ محفوظ رہا تھا۔معمول کی پرواز پر جانے والا پاک فضائیہ کا طیارہ سرگودھا کے نواحی چک 29جنوبی کے قریب فنی خرابی کے باعث گر کر تباہ ہوگیا تھا، طیارہ میں سوار پائلٹ محمد بلال حادثہ کے نتیجہ میں محفوظ رہے تھے۔

موضوعات:پاک فضائیہ مشاق طیارہ