عمران خان کو اشتہاری ہونے کے باوجود کوئی کیوں ہاتھ نہیں لگاتا؟ لیگی رہنما کے عمران خان بارے اہم انکشافات

  جمعرات‬‮ 12 اکتوبر‬‮ 2017  |  21:54

اسلام آباد (مانیٹرنگ ڈیسک)پاکستان مسلم لیگ (ن ) کے رہنما محمد حنیف عباسی نے کہا ہے کہ جب تک عدالتیں بلاتی رہیں گی ہم عدالتوں میں پیش ہوتے رہیں گے ٗ عمران خان کو اشتہاری ہونے کے باوجودکوئی ہاتھ تک نہیں لگاتا، جس دن عمران خان اور ان کی اے ٹی ایم مشین کے خلاف فیصلہ آئے گا اس دن ملک کے اندر سکون ہو جائے گا۔ میڈیا سے گفتگو کرتے ہوئے انہوں نے کہا کہ عمران خان کا کہنا ہے کہ انہوں نے کمنٹریسے پیسہ کمایا ہے لیکن مجھے سمجھ نہیں آتی کہ وہ کون سی کمنٹری ہے جس

سے اربوں روپے کی پراپرٹی بنائی جاسکتی ہے، اگر ایسا ہے تو رمیز راجا کے پاس بھی ساڑھے چار سو کنال کا گھر ہونا چاہیئے تھا۔ انہوں نے کہا کہ جو شخص 2002ء میں اپنی ایک کار اور جوا کھیل کر قرض اتارتا ہے وہ 2013ء اور آج کے اثاثوں میں پونے دو ارب روپے کا اضافہ بتاتا ہے، خان صاحب بتائیں یہ سارا پیسہ کہاں سے آیا ہے، وہ اس کی معزز عدالت میں وضاحت پیش کریں اور اگر نہیں تو پھر بھی بتائیں کہ وہ ارب پتی کیسے بن گئے۔ انہوں نے کہا کہ اگر کوئی عدالتوں کے لئے جیل گیا ہے تو ہم سیاسی کارکن گئے ہیں ، عمران خان تو ڈکٹیٹرز کے ساتھ کھڑے ہوئے تھے اور لوگوں کو جیلوں میں بھجوانے والوں کے ساتھ تھے۔ حنیف عباسی نے کہا کہ قوم کو ان ساری باتوں کو سمجھنا پڑے گا، جس دن عمران خان اور ان کی اے ٹی ایم مشین کے خلاف فیصلہ آئے گا اس دن ملک کے اندر سکون ہو جائے گا۔ انہوں نے کہا کہ جتنے چور اور ڈاکو تھے وہ اب عمران خان کے اردگرد ہیں کیونکہ عمران خان کو پیسوں کی ضرورت تھی۔ انہوں نے کہا کہ ہو سکتا ہے کہ ایک ایسی پٹیشن آ جائے جس میں عمران خان کا بلڈ ٹیسٹ ہو۔

موضوعات:

آج کی سب سے زیادہ پڑھی جانے والی خبریں