اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی و تجزیہ کار ڈاکٹر شاہد مسعود کا کہنا تھا کہ کراچی کے ایک پوش علاقے میں موجود فلیٹ سے میکڈونلڈ اور کے ایف سی کے ہوم ڈلیوری نظام کو مسز علی کے نام سے آرڈر بک کرائے جاتے تھے، ایک دن ایک ڈاکٹر کو کال آگئی کہ ایک بچی بیمار ہے آپ تشریف لے آئیں جس پر معلوم ہوا ہے کہ بچی کا نام مسز علی درج کروایا گیا، ڈاکٹر صاحب وہاں پہنچے تو دیکھا کہ وہاں چند ہٹے کٹے مسٹنڈے کھڑے ہیں، ڈاکٹر صاحب سے مسز علی کے بجائے مس

علی کے نام پر سرٹیفکیٹ بھی بنوایا گیا جس کے آگے ایان لکھ دیا گیا۔ یہ فون کرنے والی کوئی اور نہیں ایان علی ہوتی تھیں، مسز علی ان کا کوڈ نام تھا جو عام طور پر استعمال کیا جاتا تھا۔ ڈاکٹر شاہد مسعود کا کہنا تھا کہ جس ٹریول ایجنسی کے ذریعے ان کے باہر جانے کا بندوبست کیا جاتا تھا وہ ٹریول ایجنسی کسی اور کی نہیں بلکہ آصف زرداری کے دوست انور مجید کی تھی اور یہی وہ جگہ ہے جہاں سے پیپلزپارٹی کے دیگر لوگوں کے بھی بیرون ملک جانے کے ٹکٹ نکلتے ہیں۔دریں اثنا ماڈل ایان علی کو بھارتی فلموں میں کام کر نے کی بھی پیشکش آگئی ۔ذرائع کے مطابق پاکستان میں ڈالر گرل کے نام سے شہرت حاصل کر نیوالی ماڈل ایان علی کے اب پاکستان کے ساتھ ساتھ بھارت میں بھی چر چے ہونے لگے ہیں اسی لیے انکو بھارت میں بھی ایک فلم میں کام کر نے کی پیشکش کی گئی او ر ذرائع کا دعویٰ ہے کہ ایان علی اس حوالے سے فلم کی دیگر کاسٹ کے حوالے سے معلومات حاصل کر رہی ہے اور اگر انکو فلم میں رول پسند آیا تو وہ ضرور بھارتی فلم میں کام کر یں گی ۔

موضوعات:ایان علی