کراچی(این این آئی) پسند کی شادی کرنیوالی خاتون سسرالیوں کے ظلم کی داستان لے کر کراچی پہنچ گئی ۔راولپنڈی کی رہائشی خیرالنسا نے سانگھڑ کے بااثر شخص سے فیس بک پر دوستی کی، یہ دوستی بعد میں محبت میں بدل گئی اور عہد وپیماں کے بعد دونوں نے عدالت جا کر شادی کرلی۔مذکورہ خاتون نے بتایا کہ ان کی پسند کی شادی پر دونوں خاندان ناخوش تھے۔چند دن اچھے گزرے پھر شوہر نے بھی آنکھیں پھیرلیں، تشدد

کی شکار خاتون نے کہا کہ جہیز نہ لانے پر سسرالیوں نے ظلم کی انتہا کردی، شادی کے بعد مبینہ طور پر شوہر اوراس کے صحافی دیور اور سسرالیوں نے شدید تشدد کرکے گھر سے نکال دیا۔خاتون نے بتایا کہ سسرالیوں کے بااثر ہونے کی وجہ سے پولیس مقدمہ واپس لینے کیلئے دبائو ڈال رہی ہے، ظلم کا شکار خاتون نے وزیراعلی سندھ، وزیر داخلہ اور آئی جی سندھ سے انصاف فراہم کرنے کی اپیل کی ہے۔

موضوعات:سسرالیوں کا تشد