پشاور(مانیٹرنگ ڈیسک) پاکستان کو امریکیوں دھمکیوں کے بعد جہاں حکومتی و اپوزیشن کی سطح پر مذمت کی گئی وہیں پاکستانی عوام نے بھی خوب دل کھول کر اپنے غم و غصے کا اظہار کیا۔ تفصیلات کے مطابق پشاور میں امریکی قونصل خانے کے سامنے آویزاں ایک بل بورڈ پر پینا فلیکس لگایا ہے جس پت امریکہ کو مخاطب کرتے ہوئے تحریر کیا گیا ہے کہ ’’یہ تمہاری جنگ ہے اور تمہارا سر درد ہے‘‘۔

یہ بل بورڈ پشاور کی تاجر برادری کی جانب سے لگایا گیا ہے۔ بل بورڈ پر امریکہ کو مخاطب کرکے پاکستانی عوام کے جذبات کی ترجمانی کرتے ہوئے پاک فوج کے ساتھ اظہار یکجہتی کیا گیا ہے۔ بل بورڈ کے ذریعے امریکہ کو یہ پیغام دینے کی کوشش کی گئی ہے کہ افغانستان میں جاری جنگ امریکہ نے شروع کی ہے اور یہ امریکہ کا ہی سر درد ہے اسلئے پاکستان کو اس میں بلا وجہ نہ گھسیٹا جائے۔

موضوعات:آرمی چیف جنرل باجوہ