لاہور(مانیٹرنگ ڈیسک) سپریم کورٹ اور لاہور ہائیکورٹ بار نے وکلا کی جانب سے سابق وزیر اعظم میاں نواز شریف کو دی گئی خطاب کی دعوت سے لاتعلقی کا اعلان کر دیا۔تفصیلات کے مطابق لاہور میں سپریم کورٹ اورہائیکورٹ بار کے عہدیداروں نے سابق وزیر اعظم نواز شریف کو خطاب کی دعوت سے لاتعلقی کا اظہار کردیا۔مشترکہ پریس کانفرنس

میں ایڈووکیٹ عامر سعید نے کہا کہ نا اہل قرار دیے گئے وزیر اعظم کو ن لیگی وکلا نے خطاب کے لیے بلایا ہے۔ہائیکورٹ بار کے صدر ذوالفقار چوہدری نے کہا کہ ملتان بار کے معاملے پر 26 اگست کو وکلا کا کنونشن بلایا ہے۔سپریم کورٹ بار کے سیکریٹری آفتاب باجوہ کا کہنا تھا کہ ملتان بار کے مسئلہ پر مثبت پیش رفت ہوئی ہے، مسئلہ جلد حل ہو جائے گا۔

موضوعات:نواز شریف