کراچی(آن لائن )نااہل وزیر اعظم نواز شریف کے سوال مجھے کیوں نکالا کا جواب دینے کے لیے پاکستان تحریک انصاف نے سندھ میں مہم کا آغاز کردیا اس حوالے سے ’’ آپ کو کیوں نکالا‘‘کے نام سے پمفلیٹ ، بینرز ، اور پینافلیکس تیار کرلیے گئے جن پر تمام وجوہات درج ہیں جس کی وجہ سے نواز شریف کو نکالا گیا

مہم کے پہلے روز پی ٹی آئی رہنماء حلیم عادل شیخ نے کراچی میں فوارہ چوک پر شہریوں میں پمفلیٹ تقسیم کیے اس موقع پر ان کے ہمراہ ڈاکٹر سعید آفریدی ، معراج شاہ ،جاویداعوان ، طاہر نیازی ،بلال احمد ، طاہر احمد ، نذیر نیازی ، شیخ محمد اقبال ،رزاق نیازی ، حق نواز نیازی ،مصطفٰی نیازی، اسد شاہ ، خواتین میں دعا بھٹو ، جمیلان بلوچ ، نسیم ، نصرین اور دیگر موجود تھے اس موقع پر میڈیا سے گفتگو کرتے ہوئے حلیم عادل شیخ نے کہا کہ نواز شریف نے جی ٹی روڈ پر تماشہ لگایا ہوا تھا اور لوگوں سے پوچھتا پھر رہا تھا کہ مجھے کیوں نکالا ، تو ان کے سوال کا جواب عام آدمی کو سمجھانے کے لیے ہم نے یہ مہم آج سے پورے سندھ میں شروع کی ہے اور سندھ کے ہر شہر گاؤں میں لوگوں کو بتائیں گے کہ آپ کو کیوں نکالا گیا نواز شریف اور ان کا پورا ٹبر چور ہے جنہوں نے ملک کو لوٹ کر اپنا کاروبار بنایا تحریک انصاف نے اس چور کو احتساب کے کٹھرے میں کھڑا کیا اور دنیا کو اس چور خاندان کی کرپشن بتائی ،

گورنر سندھ کا گھر سامنے ہے وہ بھی دیکھیں اور اپنے نااہل قائد کو بتائیں کے انہیں کیوں نکالا اور سندھ کے لوگوں نے بھی ان کے سوال کا جواب ڈھونڈ لیا ہے ، کیوں نکالا اب قومی مہم بن چکی ہے سندھ کے لوگ میاں صاحب کو بتانے کے لیے تیارہیں کے انہیں کیوں نکالا گیا نواز شریف اب اڈیالا کی تیاری کریں اور وہاں کے لیے سوال تیار کریں کے مجھے کیوں بھیجا گیا ،

تحریک انصاف ان چوروں کو منطقی انجام تک پہچائی گی ، نواز شریف اگر آج نیب میں پیش ہوتی تو وہ انہیں بتادیتے کے انہین کیوں نکالا گیا نواز شریف اور ٹبر عوام کی آنکھوں میں دھول جھوک کر خد کو مظلوم پیش کرنے کی کوشش کرنا چاہ رہے ہیں لیکن پوری قوم جان چکی ہے کہ کس طرح انہوں نے ملکی خزانے کو لوٹا ۔

موضوعات:نواز شریف