خانیوال (آئی این پی )تحریک انصاف اور مسلم لیگ ن کے حامیوں کے مابین جھگڑا خنجر آہنی راڈوں کا آزادانہ استعمال مسلم لیگ کا حامی سیکنڈ ائیر کا طالبعلم جاں بحق دو زخمی تفصیل کے مطابق 14اگست کو مسلم لیگ ن اور تحریک انصاف کی نکالی گئی ریلی کے دوران دونوں جماعتوں کے حمایتی نوجوانوں میں تو تکرار اور تلخ کلامی ہوئی تھی گذشتہ سے پیوستہ رات دوبارہ پھر دونوں گروپ اہلحدیث چوک میں آمنے سامنے آگئے اور جھگڑا شروع ہو گیا

دیکھتے ہی دیکھتے علاقہ میدان جنگ بن گیا لڑائی کے دوران خنجر اور آہنی راڈوں کے پے در پے وار سے سیکنڈ ائیر کا طالبعلم عامر شدید زخمی ہوگیا جسے ڈسٹرکٹ ہسپتال سے نشتر ہسپتال ملتان منتقل کیا جا رہا تھا کہ وہ راستہ میں ہی دم توڑ گیا مرنے والے نوجوان عامر کے بھائی صابر حسین کی تحریری درخواست پر ملزمان افتخار ،عمر ٹھاکر ،شانی سیال ،عاطف ،دارا ولد عمر ،ارحم اور شہباز سمیت پانچ نا معلوم افراد کے خلاف زیر دفعہ 148,149،302کے تحت مقدمہ درج کر لیا ۔

موضوعات:تحریک انصاف جھگڑا مسلم لیگ ن