اسلام آباد(مانیٹرنگ ڈیسک )مسلم لیگ ن کی یوم آزادی تقریب میںکارکن آپس میں گتھم گتھا، کرسیوں، مکوں اور تھپڑوں کا آزادانہ استعمال۔ تفصیلات کے مطابق مسلم لیگ ن گوجرانوالہ کے زیر اہتمام یوم آزادی تقریب میں اس وقت بدنظمی اور بھگڈر مچ گئی جب تقریب اپنے اختتام کے قریب تھی۔ کارکنوں کے درمیان جھگڑا اس وقت شروع ہوا ہے جب ا چانک ایک شخص ن لیگی رہنما کے قریب پہنچ کر سیلفی

لینے کی کوشش کررہا تھا کہ ایک شخص نے اسے منع کرنے کےلئے پیچھے سے پکڑ لیا ۔ دوسری جانب سے ایک شخص نے دوسرے پر کرسی پھینک دی جس کے بعد تقریب میدان جنگ بن گئی ،تقریب میں موجود لوگوں نے ایک دوسرے کو تھپڑوں ، مکوں اوردھکوں کی بارش کردی جس کے بعد ان لوگوں کا پھر بھی کوئی بس نہ چلا تو کرسیاں اُٹھا اُٹھا کر ایک دوسرے کے سروں پر دے ماریں ۔

موضوعات:تصادم مسلم لیگ ن گوجرانوالہ یوم آزادی تقریب