اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر سیاستدان و مرکزی رہنما مسلم لیگ(ن) ظفر علی شاہ نے انکشاف کیا ہے کہ نواز شریف کی حکومت آئی تو انہوں نے ایسے شخص کو وزیر قانون بنا دیا جو مشرف کے دور میں وزیر قانون تھا، اب بھی نواز شریف کے ساتھیوں کی بڑی تعداد وہی ہے جو مشرف کی ساتھی تھے، لوگوں نے اپنا ووٹ

نواز شریف کو دیا اور اللہ نے انہیں چانس دیا لیکن وہ یہ سب کچھ سنبھال نہیں سکے۔ نواز شریف جو مشرف کیخلاف باتیں کرتے ہیں ان کا کام بنتا تھا کہ وہ مشرف کو روکیں، کورٹ کا تو کام ہی نہیں کہ کسی کا نام ای سی ایل میں ڈالے، نواز شریف وزیر اعظم تھے تو انہوں نے مشرف کو باہر جانے دیا۔ اب یہ نواز شریف اور ان کے سارے حواری مشرف کیخلاف باتیں کرتے ہیں۔

موضوعات:ظفر علی شاہ مشرف نواز شریف