اسلام آباد(مانیٹرنگ ڈیسک)سابق وزیراعظم نواز شریف کی جی ٹی روڈ ریلی شروع ہوچکی ہے جو اس وقت اسلام آباد زیرو پوائنٹ پہنچ چکی ہے ۔ ریلی کے انتظامات کو حتمی شکل دیتے وقت طے ہوا تھا کہ نواز شریف کی گاڑی سابق وفاقی وزیر داخلہ اور ن لیگ کے اہم رہنما چوہدری نـثار ڈرائیو کریں گے تاہم اب موصول ہونے والی اطلاعات کے مطابق چوہدری نثار نواز شریف کی گاڑی ڈرائیور نہیں کر رہے بلکہ وہ کلر سیداں سے ریلی میں شامل ہونگے۔نواز شریف کے پنجاب ہائوس اسلام آباد

سے روانہ ہونے اورریلی شروع ہوتے وقت چوہدری نثار کی عدم موجودگی نے وہاں موجود لیگی کارکنوں میں بھی بے چینی کی لہر دوڑا دی تھی اور میڈیا کی جانب سے کوریج کرنے والے رپورٹرز بھی اس کا کھوج لگانے میں مصروف ہو گئے تھے کہ چوہدری نثار ریلی میں شامل کیوں نہیں ہوئے اور اس وقت کہاں ہیں، چوہدری نثار کی کلر سیداں میں کارکنوں کی بڑی تعداد کے ہمراہ موجودگی کی اطلاعات نے ایک بار پھر لیگی کارکنوں میں جوش و خروش کی لہر دوڑا دی ہے ۔

موضوعات:جی ٹی روڈ ریلی چوہدری نثار