اسلام آباد (این این آئی) پاکستان پیپلز پارٹی کے سینئر رہنما ء اور سینیٹ میں قائدحزب اختلاف سینیٹراعتزازاحسن نے کہاہے کہ ظفرحجازی سلطانی گواہ بن سکتاہے ،اس کی جان کوخطرہ ہے ،تحفظ دیاجاناچاہئے ،شریف برادران کاوطیرہ ہے کہ غلاموں کی طرح ان کی خدمت کی جائے اورہرکوئی ان کے آگے کانپتارہے ، ظفرحجازی کودیگرکی طرح قربانی کابکرابنایاگیا۔ وزیراعظم یاوزیرکے پاس اقامہ ہوناگری ہوئی حرکت ہے ۔

نجی ٹی وی سے گفتگو کرتے ہوئے سینیٹر اعتزاز احسن نے کہا کہ ریکارڈٹمپرنگ کیس میں ظفرحجازی کیساتھ نوازشریف کو نامزد ہونا چاہئے تھا کیونکہ ظفرحجازی نے جوکیااس کافائدہ نوازشریف کوپہنچا، انہوں نے کہا کہ ظفرحجازی کی جان کوخطرہ ہے اسے تحفظ ملناچاہئے کیونکہ وہ شریف خاندان کیخلاف سلطانی گواہ بن سکتاہے ۔انہوں نے کہاکہ شریف برادران چاہتے ہیں کہ ہرکوئی ان کے آگے کانپتارہے ،یہ بھی ان کاوطیرہ ہے کہ غلاموں کی طرح ان کی خدمت کی جائے ،وہ اہم اداروں میں اپنے وفاداروں کوہی تعینات کرتے ہیں ۔انہوں نے کہاکہ سانحہ ماڈل ٹاؤن میں پولیس افسران کوقربانی کابکرابنایاگیاہے ، ظہیرالاسلام کے خلاف مشاہداللہ کوبکرابنایاگیا،ڈان لیکس میں بھی قربانی کے بکرے بنائے گئے ،ایس ای سی پی کے چیئرمین ظفرحجازی کوبھی قربانی کابکرابناگیا،ریکارڈٹمپرنگ کیس میں صحیح کارروائی نہیں ہورہی ۔انہوں نے کہاکہ نیشنل بینک کوٹریڑری آف پاکستان بھی کہاجاتاہے ،نیشنل بینک کی اہمیت سٹیٹ بینک جیسی ہے۔شریف برادران کاخاص آدمی نیشنل بینک کاصدرہے ۔انہوں نے کہاکہ وزیراعظم یاوزیرکے پاس اقامہ ہوناگری ہوئی حرکت ہے اوروزیراعظم کابیرون ملک ملازمت کرناشرمناک ہے۔

موضوعات:سینیٹر اعتزاز احسن