ن لیگی آپس میں گھتم گھتا ، شدید تصادم، حنیف عباسی اور دانیال عزیز آمنے سامنے آگئے

  ہفتہ‬‮ 22 جولائی‬‮ 2017  |  11:00

راولپنڈی (مانیٹرنگ ڈیسک) حلقہ این اے 56راولپنڈی میں دو ن لیگی گروپوں میں تصادم، فائرنگ، علاقے میں خوف و ہراس۔ تفصیلات کے مطابق حلقہ این اے 56راولپنڈی جہاں سے 2013کے الیکشن میں پی ٹی آئی چیئرمین عمران خان نے ن لیگ کے حنیف عباسی کے مقابلے میں الیکشن جیتا تھا میں ن لیگ واضح طور پر دو گروپوں میں تقسیم نظر آرہی ہے۔ اختلافات کے باعث مسلم لیگ ن حنیف عباسی گروپ اور دانیال عزیز گروپ کے درمیان صادق آباد چوکمیں تصادم کے نتیجہ میں علاقے میں سخت خوف و ہراس پایا جاتا ہے۔ دونوں گروپوں کے درمیان تصادم کے

دوران اسلحہ اور فائرنگ کا آزادانہ استعمال بھی ہوا ہے۔ لیگی کارکنان کے اس تصادم کو حنیف عباسی اور دانیال عزیز کے درمیان کشیدگی اور سیاسی رنجش قرار دیا جا رہا ہے۔تصادم کے بعد تمام تجارتی مراکز بند ہو گئے جب کہ پولیس نے تصادم میں ملوث افراد کے خلاف مقدمہ درج کر کے گرفتاری کیلئے چھاپے مارنے شروع کر دئیے ہیں۔

موضوعات:

آج کی سب سے زیادہ پڑھی جانے والی خبریں