اسلام آباد(مانیٹرنگ ڈیسک) پاکستان تحریک انصاف کے اہم پارٹی اجلاس میں پی ٹی آئی رہنمابابر اعوان پر برس پڑے، تفصیلات کے مطابق پارٹی اجلاس کے دوران ڈاکٹر بابر اعوان پی ٹی آئی چیئرمین عمران خان کو ’’عمران، عمران‘‘ کہہ کر پکارتے رہے جس پر پی ٹی آئی رہنما اعجاز چوہدری نے کہا کہ اگر بابر اعوان کی کوئی فرینکس عمران خان کے ساتھ ہے تو وہ ان کی نجی زندگی میں ہوگی لیکن پارٹی اجلاس میں ڈسپلن کو ملحوظ خاطر رکھنا چاہئے اور چیئرمین کو چیئرمین کہہکر ہی مخاطب کیا جانا چاہئے نہ کہ عمران،

عمران کہہ کر۔ پارٹی رہنمائوں نے ٹاک شوز میں گفتگو کرنے کے حوالے سے بابر اعوان کے لیکچر کو بھی مسترد کرتے ہوئے کہا کہ بابر اعوان ہمیں مت سکھائیں کہ سیاست کیسے کرنی ہے۔ پی ٹی آئی رہنمائوں کا کہنا تھا کہ ہم کئی سالوں سے سیاست کر رہے ہیں اس لئے ہمیں سبق نہ پڑھایا جائے۔ پی ٹی آئی رہنمائوں کی جانب سے بابر اعوان کو تنبیہہ کی گئی کہ وہ آئندہ اجلاسوں میں عمران خان کو ڈسپلن کے ساتھ چیئرمین کہہ کر مخاطب کریں ۔

موضوعات:عمران خان