اسلام آباد (مانیٹرنگ ڈیسک) پیپلز پارٹی کے مزید دو اہم ارکان اسمبلی نے تحریک انصاف میں شمولیت کا فیصلہ کر لیا، تفصیلات کے مطابق تحریک انصاف مخالف جماعتوں کی وکٹیں اڑانے میں سب سے آگے جا رہی ہے، اس کے علاوہ آنے والے 2018 کے الیکشن کے حوالے سے جوڑ توڑ کا سلسلہ بھی جاری ہے، تحریک انصاف نے پاکستان پیپلز پارٹی کی دو مزید وکٹیں گرا دی ہیں،

صوبائی اسمبلی کے رکن خواجہ نظام المحمود جن کا تعلق تونسہ شریف سے ہے اور لیہ سے صوبائی اسمبلی کے منتخب رکن سردار شہاب الدین نے تحریک انصاف میں شمولیت اختیار کرلی ہے۔ واضح رہے کہ تحریک انصاف کی ناز بلوچ نے آج ہی پیپلز پارٹی میں شمولیت اختیار کی ہے ۔ ناز بلوچ کی شمولیت کے بعد پیپلز پارٹی کے یہ دونوں اہم رکن تحریک انصاف میں شامل ہو گئے ہیں۔

موضوعات:تحریک انصاف