اسلام آباد (مانیٹرنگ ڈیسک) نواز شریف اور آصف علی زرداری کے مابین ٹیلی فونک رابطہ، پیپلزپارٹی کے کو چیئرمین نے وزیراعظم کو مستعفی ہونے کا مشورہ دے دیا، معروف صحافی و تجزیہ کار ڈاکٹر شاہد مسعود کا نجی ٹی وی پروگرام میں دعویٰ۔ تفصیلات کے مطابق نجی ٹی وی پروگرام میں گفتگو کرتے ہوئے معروف صحافی و تجزیہ کار ڈاکٹر شاہد مسعود نے دعویٰ کیا ہے کہ وزیراعظم نواز شریف اور آصف علی زرداری کے درمیان ٹیلی فونک رابطہ ہوا ہے۔

سابق صدر نے وزیراعظم کو کہا ہے کہ ابھی سیاسی حالات کشیدہ ہیں ، کچھ دنوں بعد حالات ٹھنڈے ہونے اور نئی قانون سازی ہونے تک مستعفی ہو جائیں۔ ڈاکٹر شاہد مسعود کا کہنا تھا کہ یہ مشورہ میثاق جمہوریت اور پارلیمنٹ کو بچانے کی کوششوں کے سلسلے میں آصف زرداری نے نواز شریف کو دیا ہے کیونکہ وہ سمجھتے ہیں کہ اگر نواز شریف کی حکومت گری تو ردعمل کا ایک سلسلہ شروع ہو جائے گا جس میں گزشتہ حکومتوں کو بھی عتاب کا سامنا کرنا پڑ سکتا ہے۔

موضوعات:آصف علی زرداری ٹیلی فونک رابطہ نواز شریف