اسلام آباد (مانیٹرنگ ڈیسک)پرویز مشرف نے اسحاق ڈار کو وزارت عظمیٰ کی پیش کش کی، نواز شریف نہیں مانے، اسحاق ڈار مجھے سے نواز شریف کو سفارش کروانا چاہتے تھے، شہباز شریف گواہ ہیں، سینئر صحافی و تجزیہ نگار ڈاکٹر شاہد مسعود کا انکشاف۔ تفصیلات کے مطابق نجی ٹی وی پروگرام میں گفتگو کرتے ہوئے سینئر صحافی و تجزیہ نگار ڈاکٹر شاہد مسعود نے انکشاف کرتے

ہوئے بتایا ہے کہ میں حلفیہ یہ بات کر رہا ہوں جس کے گواہ شہباز شریف بھی ہیں کہ 2004-05کی بات ہے کہ دبئی میں گرینڈ حیات ہوٹل میں اسحاق ڈار نے مجھ سے کہا کہ پرویز مشرف نے مجھے وزیراعظم بننے کی پیش کش کی ہے لیکن میاں صاحب نہیں مان رہے۔ اس پر میں نے انہیں کہا کہ میاں صاحب یہ بات کس طرح مان سکتے ہیں کہ آپ مشرف کے ساتھ وزیراعظم بن جائیں جس پر اسحاق ڈار کا کہنا تھا کہ میاں صاحب آپ کی بہت عزت کرتے ہیں آپ سفارش کریں تو ہو سکتا ہے کہ بات بن جائے، شوکت عزیز ملک کا بیڑہ غرق کر رہا ہے میں وزیراعظم بن جائوں گا تو سب صحیح ہو جائے گا۔ ڈاکٹر شاہد مسعود کا کہنا تھا کہ اس پر میں نے انہیں کہا کہ میاں صاحب میری بات کیوں مانیں گے؟ ان کا کہنا تھا کہ اگر یہ بات غلط ہے کہ اسحاق ڈار مجھے عدالت میں بلوائیں میں وہاں قرآن پر ہاتھ رکھ کر یہی بات کرنے کو تیار ہوں اور اس بات کے گواہ شہباز شریف بھی ہیں جو وہیں موجود تھے۔

موضوعات:اسحاق ڈار پرویز مشرف ڈاکٹر شاہد مسعود شہباز شریف نواز شریف