اسلام آباد(آئی این پی )وزیر خزانہ اسحاق ڈار کی بجٹ تقریر کے دوران وزیرداخلہ چوہدری نثار علی خان جب نماز عصر کی ادائیگی کیلئے ایوان سے اٹھ کر اپنے چیمبر پر چلے گئے تو وزیر پانی وبجلی خواجہ محمد آصف اپنی نشست سے اٹھ کر وزیرداخلہ کی خالی نشست پر آکر بیٹھ گئے اور وزیراعظم نوازشریف سے بات چیت کرتے رہے ۔ تفصیلات کے مطابق وزیرخزانہ کی بجٹ تقریر کے دوران جب پارلیمنٹ ہاؤس کی

جامع مسجد میں نماز عصر کی اذان دی گئی تو وزیرداخلہ چوہدری نثار علی خان اپنی نشست سے اٹھ کر چیمبر میں چلے گئے اور وہاں نماز عصر پڑھی ان کی نشست کو خالی دیکھ کر وزیر دفاع خواجہ محمد آصف وہاں آکر بیٹھ گئے اور وزیراعظم نوازشریف سے اہم قومی امور پر بات چیت کرتے رہے ۔ بعدازاں جب وزیرداخلہ ایوان میں دوبارہ واپس آگئے تو خواجہ آصف اٹھ کر اپنی نشست پر چلے گئے ۔

موضوعات:خواجہ آصف