ملتان(آئی این پی)ملتان کے نشتر اسپتال میں ایک عجیب الخلقت بچے کی پیدائش ہوئی ہے جو ایسی بیماری میں مبتلا ہے جو دنیا بھر میں ہزاروں میں سے کسی ایک بچے کو ہوتی ہے۔تفصیلات کے مطابق دوروزقبل ملتان کے نشتر اسپتال میں پیدا ہونے والا یہ بچہ اِچ تھیوسِس نامی پیدائشی جلدی مرض میں مبتلا ہے جس کے سبب اس کھال‘ چہرہ اور ہونٹ دیکھنے میں غیر معمولی نظرآتے ہیں۔

ڈاکٹرز کا کہنا ہے کہ تاحال دنیا بھر میں کہیں بھی اس مرض کی کوئی خاص وجہ ریکارڈ نہیں کی گئی ہے اور اس مرض میں مبتلا بچوں کا بچنا انتہائی مشکل ہوتا ہے۔ڈاکٹرز کا مزید کہنا تھا کہ اچ تھیوسس لفظ دو یونانی الفاظ کا مرکب ہے جن کا مطلب مچھلی اور بیماری ہے۔ یہ ایک جلدی مرض ہے . اس مرض میں مبتلا بچوں کے لیے سب سے مشکل دور ان کی شیر خواری کا زمانہ ہوتا ہے اور اگر وہ اس نکل جاتے ہیں تو ان کے جینے کے امکانات بے پناہ بڑھ جاتے ہیں۔

موضوعات:عجیب الخلقت نشتر ہسپتال