اسلام آباد(مانیٹرنگ ڈیسک)پاکستان میں ایرانی سفیرنے کہاہے کہ ایران نے پاکستان سے بھارتی جاسوس کلبھوشن یادیوتک رسائی کاکوئی مطالبہ نہیں کیاہے ۔ایک نجی ٹی وی کے مطابق پاکستان میں ایرانی سفیرمہدی ہنرمنددوست نے کہاہے کہ کلبھوشن یادیوتک ر سائی کی خبروں میں کوئی صداقت نہیں ہے ۔

انہوں نےکہاکہ یہ خبریں دونوں ممالک کے تعلقات کوخراب کرنے کی سازش ہیں ۔ایرانی سفیرنے کہاکہ ایران کاکلبھوشن یادیوسے کوئی تعلق نہیں کہ اس تک رسائی کامطالبہ کیاجائے ۔انہوں نے کہاکہ جب بھی پاکستان اورایران کے تعلقات اچھے ہوتے ہیں توایسی سازشیں کرنے والے میدان میں آجاتے ہیں۔

موضوعات:ایران کلبھوشن یادیو