اسلام آباد(مانیٹرنگ ڈیسک)پاکستانی مسافر نے دہلی ائیرپورٹ پر سکیورٹی اداروں کی دوڑیں لگوا دیں۔ تفصیلات کے مطابق دبئی سےنئی دہلی ائیر انڈیا کی پرواز سے پہنچنے والے شیخ رفیق نامی 39 سالہ پاکستانی مسافر نے ائیرپورٹ پر سکیورٹی اداروں کی دوڑیں لگوا دیں۔شیخ رفیق نے دبئی سے براستہ نئی دہلی نیپال کے دارالحکومت کھٹمنڈو جانا تھا مگر جب وہ نئی دہلی ائیرپورٹ پر پہنچا تو بجائے نیپال جانے والے طیارے کا انتظار کرتا اس نے

ائیرپورٹ پر موجود مسافروں کی مدد کیلئے قائم ہیلپ ڈیسک کا رخ کیا اورکائونٹر کے دوسری جانب موجود خاتون اہلکار کو کہا کہ وہ آئی ایس آئی کا ایجنٹ ہے اورپاکستانی ایجنسی کیلئے مزید کام نہیں کر سکتا۔ اس کی خواہش ہے کہ وہ ایک دن بھارت میں قیام کرے۔خاتون اہلکار نے فوری طور پر پولیس کو پاکستانی مسافر بارے اطلاع کر دی جنہوں نے اسے گرفتار کر کے نامعلوم مقام پر منتقل کر دیا ہے جہاں بھارتی خفیہ ادارے اس سے تفتیش کرینگے۔

موضوعات:آئی ایس آئی پاکستانی مسافر دہلی ائیرپورٹ