اسلام آباد(آئی این پی)پانامہ کیس کے حوالے سے ’’ن یا قانون میں سے کسی ایک کا جنازہ‘‘نکلنے کا نعرہ لگانے والے عوامی مسلم لیگ کے سربراہ شیخ رشید احمد کے کیس کا فیصلہ آنے کے بعد عدالت عظمیٰ سے رفو چکر ہو گئے ۔تفصیلات کے مطابق عوامی مسلم لیگ کے سربراہ شیخ رشید احمد جمعرات کو پانامہ کیس کا فیصلہ سننے کیلئے عدالت عظمیٰ میں آئے تاہم کیس کا فیصلہ آنے کے بعد شیخ رشید کسی کو دکھائی نہ دیے ،

میڈیا نمائندگان کی طرف سے تجزیے کیلئے انہیں تلاش کرنے کی کوشش کی گئی تاہم عوامی مسلم لیگ کے سربراہ شیخ رشید احمد میڈیا کی آنکھوں میں دھول جھونک کر عدالت سے رفو چکر ہو گئے ۔ واضح رہے کہ شیخ رشید احمد گزشتہ ایک ماہ سے دعویٰ کر رہے تھے کہ کیس کا فیصلہ ان کے حق میں آئے گا اور عدالت عظمیٰ میں سے ’’ن یا قانون میں سے کسی ایک کا جنازہ نکلے گا‘‘

موضوعات:شیخ رشید