لندن (مانیٹرنگ ڈیسک) پاک فوج کے شعبہ تعلقات عامہ  آئی ایس پی آر کے ڈائریکٹرجنرل میجر جنرل آصف غفور نے کہا ہے کہ سعودی اتحاد میں جنرل (ر) راحیل شریف کی تقرری پاکستانی ریاست کا فیصلہ ہے ،سعودی اتحاد میں راحیل شریف کا تقرر فائدہ مند نہ ہوا تو واپس بلا سکتے ہیں۔برطانیہ میں پاکستانی ہائی کمیشن میں میڈیاکو بریفنگ دیتے ہوئے میجر جنرل آصف غفور کا کہنا تھا کہ پاکستان پراکسی وارپریقین نہیں رکھتا، خطے میں کشیدگی ہمارے مفاد میں نہیں،

سعودی عرب ، ایران ، افغانستان اور بھارت کے ساتھ اچھے تعلقات چاہتے ہیں،سعودی اتحاد میں راحیل شریف کی تقرری پاکستانی ریاست کا فیصلہ ہے ۔آپریشن ردالفساد کے تحت مدرسہ اصلاحات پرکام ہورہا ہے،مدرسوں کے ساتھ تعلیمی اداروں پر بھی ہماری نظر ہے ، جہاں ضروری سمجھتے ہیں دہشت گردوں کے خلاف کاروائیاں کررہے ہیں ۔ داعش اور تنظیم الاحرار کا ہدف کم پڑھے لکھے لوگ نہیںبلکہ یہ تنظیمیں بڑے بڑے تعلیمی اداروں تک میں رسائی رکھتی ہیں۔

موضوعات:آئی ایس پی آر میجر جنرل آصف غفور