اسلام آباد(آئی این پی )سابق صوبائی وزیر اطلاعات شرجیل انعام میمن نے وفاقی وزیر داخلہ چوہدری نثار کو مناظرے کا چیلنج دیتے ہوئے کہا ہے کہ میرا مشورہ ہے کہ چوہدری نثار وفاقی وزیر رہیں، جج نہ بنیں، چوہدری نثار میرے اوپر بنائے گئے مقدمات اوراپنے قائدین پر مقدمات کے حوالے سے مجھ سے مناظرہ کرلیں،چوہدری نثار نواز شریف کی نوکری کرتے ہیں اور انہیں جتنی تنخواہ ملتی ہے وہ اتنی بات کرتے ہیں۔

منگل کو وفاقی وزیر داخلہ چوہدری نثار علی خان پر ردعمل دیتے ہوئے شرجیل انعام میمن نے کہا کہ جس فارمولے کے تحت میرا نام ایگزیٹ کنٹرول لسٹ میں ڈالا گیا ہے وہ مجھے مناظرے میں جواب دیں،اگر چوہدری نثار نے مجھے مطمئن کردیا تو  معذرت  اور سلام کروں گا۔انہوں نے کہا کہ چوہدری نثار نواز شریف کی نوکری کرتے ہیں, انہیں جتنی تنخواہ ملتی ہے وہ اتنی بات کرتے ہیں،میرا مشورہ ہے کہ چوہدری نثار وفاقی وزیر رہیں، جج نہ بنیں۔

موضوعات:پیپلزپارٹی